Ցավից կազատի թրատերևը

Ինձ  ծնկահոդի արթրոզ են ախտորոշել: Յուրաքանչյուր շարժում ցավով է ուղեցկվում: Բժիշկը դեղեր է նշանակել, բայց ես ցանկանում եմ բուժվել ժողովրդական միջոցներով: Ի՞նչ խորհուրդ կտաք:

Ժ.Վարդանյան, ք.Վանաձոր

Փորձեք ներքոհիշյալ բաղադրատոմսերից որևէ մեկը:

Բուսաբուժություն

• Վերցնել 2 տուփ դեղատնային թրատերևի արմատներ, ավելացնել 4 բաժակ օղի, թրմել 3 շաբաթ  մութ  տեղում, ապա քամել: Թուրմն ընդունել 1 ճաշի գդալ, օրը 3 անգամ, ուտելուց առաջ: Այն կարելի է օգտագործել նաև թրջոցի ձևով. քնելուց առաջ  թուրմով թրջած վիրակապը դնել հիվանդ հոդին, ծածկել պոլիէթիլենային թաղանթով և որևէ շորով փաթաթել: Բուժման մեկ կուրսի համար անհրաժեշտ է 1 լ թուրմ (ցանկալի է այն անցկացնել աշնանը կամ ձմռանը): Այդ ընթացքում անհրաժեշտ է խուսափել աղի, թթու, կծու ուտեստներից և ալկոհոլից:

• Խառնել 2-ական ճաշի գդալ սպիտակ խնկենու, կատվալեզվիկի և եզան լեզվի տերևները,  երիցուկի ծաղիկները: 2 ճաշի գդալ խառնուրդի վրա լցնել 2 բաժակ եռացրած ջուր, թրմել 6 ժամ և քամել: Թուրմն ընդունել 1/2 բաժակ, օրը 3 անգամ, ուտելուց առաջ, տաք վիճակում: Բուժման կուրսը 2 ամիս է:  Երկու շաբաթ ընդմիջում տալուց հետո, կուրսը կրկնել ևս մեկ անգամ:

• Գարնանը հավաքել եղինջ, մանրացնել և քամել հյութը, ապա խառնել 1-ական բաժակ սպիրտի և մեղրի հետ, պահել սառնարանում 2 շաբաթ: Ընդունել 1 ճաշի գդալ, օրը 3 անգամ, ուտելուց 30  րոպե առաջ: Բուժման կուրսը 6 ամիս է:

• 1 լիտր սառը ջրի մեջ լցնել հապալասի տերևներ և գիհու պտուղներ, թույլ կրակի վրա եփել 15 րոպե, գիշերը թրմել, առավոտյան քամել: Թուրմն օգտագործել թեյի պես, օրվա ցանկացած ժամի, 3 ամսվա ընթացքում, ապա ընդմիջում տալ և 2 շաբաթ հետո նորից կրկնել:

Հարցեր, պատասխաններ, մեկնաբանություններ